News 2 patay sa banggaan ng bus, tricycle sa Isabela

GAMU, Isabela – Dalawa ang patay nang salpukin ng pampasaherong bus ang isang tricycle sa national highway dito sa bayan, Sabado. Agad namatay ang driver ng tricycle at isa niyang pasahero sa isang kalsada sa Barangay Guibang, sabi ni Police Capt. Frances Littaua, tagapagsalita ng Isabela Police Provincial Office. Dinala sa ospital ang isa pang pasahero dahil sa tinamong mga sugat sa katawan. Sa imbestigasyon, papasok na sana sa junction ang tricycle nang mabangga ito ng Florida GV bus na nag-overtake umano sa sinusundang sasakyan. Nasa kustodiya na ng Gamu Police Station ang driver ng bus na mahaharap sa reklamong reckless imprudence resulting in double homicide, physical injury and damage to property. Bisitahin ang Patrol.PH para sa iba pang mga balita.