BACOLOD CITY – Patay ang 31-anyos na rider matapos na magulungan ng service vehicle ng barangay nang matumba ang kaniyang motorsiklo, Martes ng madaling araw. Nakilala ang nasawi bilang si Kirt Geraga. Sugatan naman sa aksidente ang pedestrian na si Zaldy Soberano nang mabangga ng motorsiklo ni Geraga. Lumabas sa imbestigasyon ng Police Station 4 na parehong bumabaybay ng west to east direction sa Burgos Extension Road ang service vehicle at motorsiklo nang biglang mag-overtake si Geraga. Sa pag-overtake nito, nabangga niya ang tumatawid na si Soberano dahilan para matumba ang kaniyang motorsiklo at doon na nagulungan ang ulo ni Geraga ng kasunod na sasakyan. Ayon sa pulis, biglaan ang pagkatumba ng motorsiklo ni Geraga kaya hindi na naiwasan ng driver ng service vehicle na magulungan ito. Bisitahin ang Patrol.PH para sa iba pang mga balita.
Leave a Reply