Baba news

Watch more in iWantv or TFC.tv Video courtesy of Rudlyn Mistula MANDAUE CITY, Cebu – Nagtamo ng mga sugat at pasa sa kamay ang isang babae matapos makipag-agawan ng bag sa magnanakaw na nanghablot nito sa tapat ng kaniyang bahay noong Martes. Sa kuha ng CCTV, makikita ang pagdating ng 2 lalaking naka-motorsiklo sa harap ng bahay ng biktimang si Janeth Quevedo sa Consuelo Village, Barangay Basak. Bumaba ang isa sa mga lalaking naka-bonnet, nilapitan si Quevado at nagdeklara ng holdap. Nagsilbi namang lookout ang kasamahan nito. Dito na nag-agawan sa bag si Quevado at ang kawatan. Pinukpok ng lalaki ng baril sa kamay ang biktima para makabitaw ito. Napahiga si Quevado sa kalsada at nakaladkad pa ng mga patakas na suspek. Kuwento niya, nagpaputok pa ang kawatan pero suwerteng hindi siya tinamaan. Papasok na aniya siya sa gate ng bahay nang maholdap. Inamin ni Quevado na delikado ang kaniyang ginawa, pero importante aniya ang laman ng bag, kabilang na ang kaniyang pera, gadget at … [Read more...] about PANOORIN: Babae nakipag-agawan ng bag sa magnanakaw

MEYCAUAYAN, Bulacan - Patay ang isang babae matapos masagasaan at makaladkad ng isang truck sa MacArthur Highway sa bayan na ito, Lunes. Naka-angkas sa motorsiklo ng live-in partner ang biktimang si Normita Barcelona, 49, ayon sa mga imbestigador. Posible anilang nasangkot muna sina Barcelona sa isang maliit na aksidente kaya ito bumaba ng motorsiklo at na-hit-and-run ng truck. Nagkapira-piraso ang katawan ng biktima dahil sa lakas ng pagkakabangga. Hindi naman mahanap ng mga awtoridad ang kasama ng biktima at motorsiklo nito. "Nagtago po 'yung lalaki, siguro natakot sa pamilya baka s'ya sisihin," sabi ni SPO1 Filamer Guillermo. Pero kuwento ng kapatid ng biktima na si Glen Santos, nakauwi pa ang drayber ng motorsiklo para ibalita ang nangyari. May mga galos din aniya ito. Pauwi na aniya ang mag live-in partner nang maaksidente. Posible rin aniyang lasing ang drayber ng motorsiklo. Hinahanap na ng mga pulis ang drayber para magbigay linaw sa kaso. Ulat ni Dennis Datu, ABS-CBN News … [Read more...] about Babae patay sa hit-and-run sa Meycauayan

SAN NICOLAS, Ilocos Norte - Kalaboso ang isang babae matapos umanong magnakaw ng P17,000 na halaga ng mga deodorant, body spray at iba pang hygiene products sa bayan na ito, Sabado.  “Nakita ng head ng security ng mall 'yung suspek na habang pumipili ng mga paninda ng supermarket sa mall ay deretso ang mga produkto sa kaniyang bag,” sabi ng imbestigador na si PO2 Jerome Ruiz.  “Mismo ang guwardiya at head ng supermarket ang nag turn-over sa atin ng suspek at mga ebidensiya," dagdag niya.  Posible aniyang miyembro ng sindikato ang 22-anyos na suspek.  “Nakita natin sa smart watch niya na may ka-message siya na posibleng mga kasama niya. Noong pumasok raw ito sa mall may isa itong kasama pero biglang umalis,” paliwanag ni Ruiz.  Bineberipika pa ng pulisya ang pagkakakilanlan ng suspek at kung mayroon itong rekord sa ibang lugar. Mahaharap ang babae sa kasong pagnanakaw.  Ulat ni Kim Lorenzo II, ABS-CBN News Bisitahin ang … [Read more...] about Babae tiklo sa pagnanakaw ng deodorant, body spray

Watch more in iWantv or TFC.tv Nag-viral kamakailan sa social media ang video ng isang babaeng pinagsasampal at pinagmumura ng kaniyang kamag-aral sa Lucena City, Quezon. Agosto 2017 pa nangyari ang insidente pero ngayon lang lumitaw ang video sa social media. Higit 4,000 beses nang na-share sa Facebook ang orihinal na video post ng isang Bayan Patroller bago niya ito tinanggal. Sa kabila ng pagtanggal, patuloy pa rin ang pagkalat ng video sa social media. Mapapanood sa video ang ilang beses na pagsampal kay alyas "Vanessa" ng isang babaeng kapwa niya estudyante sa Sacred Heart College sa lungsod. Bukod sa pananampal, kitang dinuduro at pinagmumura rin si Vanessa ng isa pang babae habang pinanonood sila ang mga kasamahan nito. Ayon sa 14 anyos na Grade 8 student na si Vanessa, selos ang dahilan kung bakit siya sinaktan ng babae.  Nagkagusto kasi umano kay Vanessa ang karelasyon ng babae.  "Nagpapatulong lang kasi 'yong ex-boyfriend niya sa akin na gumawa ng surprise para sa … [Read more...] about Dahil sa selos: Babae, sinampal at minura ng kamag-aral

Watch more in iWantv or TFC.tv Arestado ang apat na lalaki at isang babae sa Taguig na naaktuhan umano ng mga pulis na nagsusugal, Martes ng madaling-araw.  Nadiskubre pa umano ang sachet ng hinihinalang shabu sa coin purse ng babaeng suspek na kinilalang si alyas "Emma," at isa pang sachet sa 18 anyos na si alyas "Ben." Itinatanggi naman ni Emma na nakikipagsugal siya sa apat na lalaki.  "Pababa po ako nandu'n nga din po sila, pero du'n po sila sa sulok. Tapos mamaya-maya, bigla po silang naglabasan du'n po sa eskinita. Tapos, nagtakbuhan po 'yung mga bata," paliwanang ni Emma. "Hindi po ako gumalaw du’n, mamatay man po ako, wala po silang nakuhang kahit ano sa akin," dagdag pa nito. Pero giit ng mga pulis, nagpapalusot lang si Emma. "Nasa watchlist na namin 'yun. And then, hanggang ngayon, hindi pa tumitigil. Kahit na nagre-rehab 'yan, parang pakitang-tao lang na nagbago na siya," ani Chief Inspector Juan Cipriano Jr., komander ng Taguig PCP 6. Inako naman ni Ben ang … [Read more...] about 4 lalaki, 1 babae arestado dahil sa pagsusugal, droga