Palaman ng inihaw na bangus

DAVAO CITY - Nasira ng malakas na hangin ang mahigit 20 mga bahay at tindahan sa Barangay Gumalang, Baguio District dito sa siyudad Martes ng hapon. Ayon sa mga residente, mahina lang ang ulan pero malakas ang hangin. Nilipad ng malakas na hangin ang bubungan ng tindahan ni Gloria Sedoripa kaya nabasa ang kaniyang mga paninda at mga gamit. Nagiba rin ng malakas na hangin ang estante na pinaglagyan ng mga panindang pagkain ni Lorena Go. Nabuwal naman ang dalawang puno ng saging sa harapan ng kaniyang tindahan. Sa paunang bilang ng barangay, mahigit 20 bahay at tindahan mula sa Purok 5, 6 at 8 ang nasira ng malakas na hangin at maraming puno ng mga prutas ang natumba gaya ng lanzones, durian at saging. Ayon sa PAGASA, ang malakas na hangin at ulan ay epekto ng thunderstorm. Wala namang naiulat na nasaktan sa insidente. Bisitahin ang Patrol.PH para sa iba pang mga balita. … [Read more...] about 20 mga bahay, tindahan nasira ng malakas na hangin sa Davao City

Isinara muna nitong Miyerkoles sa publiko ang bahagi ng Boracay kung saan dumumi ang isang batang foreigner. Aabutin ng 48 hanggang 72 oras ang pagsara para linisin ang katubigan, ayon kay Tourism Secretary Bernadette Romulo-Puyat. Nag-viral kamakailan sa social media ang video ng pag-alalay ng isang babaeng foreigner sa kaniyang anak na dumudumi sa baybayin ng Station 1 sa Boracay. Sa dagat din umano hinugasan ng lola ang underwear ng bata, na puno umano ng kaniyang dumi. VIRAL: Dayuhan na 'pinadudumi' ang anak sa baybay ng Boracay inireklamo Pinaghahanap na rin ng mga awtoridad ang mga banyaga, na kakasuhan ng mga paglabag sa mga ordinansa sa Aklan. Maaalalang anim na buwang isinailalim sa malawakang clean-up drive ang Boracay kasunod ng utos ni Pangulong Rodrigo Duterte noong 2018. -- May ulat ni Jeff Canoy, ABS-CBN News Bisitahin ang Patrol.PH para sa iba pang mga balita. … [Read more...] about Bahagi ng Boracay na ‘dinumihan’ isinara

Nasagip ng Pasig River Rehabilitation Commission (PRRC) ang 3 mga bata na inabutan ng malakas na alon habang lumalangoy sa Pasig River.  May edad na 14 hanggang 15 taong gulang ang mga nasagip, na kinabibilangan ng 2 lalaki at 1 babae.  Ayon kay PRRC "river warrior" head Niño Gutierrez, sinubukan ng 3 teenager na lumangoy sa pampang sa bahagi ng ilog sa Jones Bridge sa Maynila nang tumama ang isang malakas na alon. Muntik nang anurin ang mga kabataan, pero mabuti na lang at agarang na-rescue ang mga ito at naidala pabalik sa pampang.  Pinaalalahanan naman sila ni Gutierrez na huwag maligo sa Pasig River lalo na at umuulan at malakas ang alon. -- Ulat ni Jeffrey Hernaez, ABS-CBN News  Bisitahin ang Patrol.PH para sa iba pang mga balita. … [Read more...] about 3 teenager na tinamaan ng malakas na alon sa Pasig River nasagip

GENERAL SANTOS CITY - Inaalam ng National Bureau of Investigation (NBI) kung kanino naka-rehistro ang helicopter na ginagamit ng founder ng Kapa Community Ministry International na si Pastor Joel Apolinario. Ayon kay Regner Peneza, ang chief ng NBI Sarangani District Office, iniimbestigahan nila kung kay Apolinario naka-pangalan ang chopper. "To check on the ownership if it is indeed registered under his name, so it is one among the assets supposedly seized by the AMLC (Anti-Money Laundering Council)," pahayag ni Peneza Martes. Iniimbestigahan na rin ng Civil Aviation Authority of the Philippines (CAAP) ang paggamit ni Apolinario sa chopper habang nagra-rally ang mga miyembro ng Kapa Ministry sa sports complex sa lungsod gayong dapat may clearance muna ito sa CAAP lalo at nasa GenSan din noong Huwebes si Pangulong Rodrigo Duterte. Pastor Joel Apolinario: Pangulong Duterte, Sara tumulong upang magpatuloy ang Kapa "All aircraft coming in must have a clearance from CAAP. We inquired … [Read more...] about May-ari ng chopper na ginagamit ng Kapa founder, inaalam ng NBI

PAOAY, Ilocos Norte – Tanging lamang-loob na lamang ang natira sa bakang ninakaw noon pang Abril 26 dito sa bayan. Sa takot na maging ang dalawang natitirang baka ay puntiryahin pa ng mga magnanakaw, kanila na itong ibinenta. Umaabot sa P40,000 ang bentahan ng baka. Ito pa lamang ang insidente ng pagnanakaw ng baka na naitala ng pulisya ngayong taon sa bayan ng Paoay. May ganito nang insidenteng naitala noong mga nagdaang taon at wala pa ring nahuhuling suspek. Bisitahin ang Patrol.PH para sa iba pang mga balita. … [Read more...] about News Lamang-loob ng nakaw na baka, iniwan sa bukid