Pekeng dentista timbog sa tarlac

MAYNILA—Kalaboso sa Caloocan City nitong Huwebes ang isang ginang na nagpapanggap na dentista. Naaresto ang 60 anyos na suspek matapos salakayin ng mga pulis ang kaniyang klinika. Ayon sa pulisya, ginagamit ng ginang ang mga dental equipment ng yumaong kapatid na dentista at lisensiya ng manugang na dentista rin. Nakapagtapos sa kursong Dentistry ang suspek pero hindi siya kumuha ng licensure examination. "At my age, mag-60 na ako, gusto ko lang lisensiya. Lahat dinedeny ako... pakuhanin mo lang ako ng board exam kung paano," aniya. Nasa 3 taon nang nagpapanggap na dentista ang suspek hanggang sa mabuko siya ng Philippine Dental Association (PDA). "Ito ay bawal at tanging graduate ng dentistry at lisensiyado na dentista lamang ang puwedeng manggamot ng bibig," ani PDA president Stephen Almonte. Sasampahan ang ginang ng reklamo dahil sa paglabag sa Republic Act 9484 o Philippine Dental Act of 2007.  Maaari siyang makulong ng 2 hanggang 5 taon o magbayad ng multa mula P200,000 … [Read more...] about Ginang na nagpapanggap na dentista, timbog sa Caloocan

DAVAO CITY—Arestado sa entrapment operation sa Davao City nitong Huwebes ang 2 babae na nagpapanggap na dentista. Sinampahan ng kasong paglabag sa Republic Act 9484 o Philippine Dental Act of 2007 sina Sheena Mae Zabal at Lorie Jane Cirilo. Hinuli ang mga suspek sa Barangay Ubalde, Agdao District nang tanggapin nila ang P500 marked money sa nagpanggap na kliyente. Nasamsam sa kanila ang mga gamit sa paggawa at pagkabit ng braces. Ayon kay Police Capt. Maria Teresita Gaspan, tagapagsalita ng Davao City Police Office (DCPO), matagal na umanong nag-aalok ng murang serbisyo sa pag-aayos ng retainers at braces ang mga suspek. Babala ng Philippine Dental Association-Davao City Dental Chapter, maraming sakit ang maaaring makuha sa pagpapakabit ng braces sa hindi lisensyadong dentista.—Ulat ni Andoreena Causon, ABS-CBN News Bisitahin ang Patrol.PH para sa iba pang mga balita. … [Read more...] about 2 pekeng dentista kalaboso sa Davao City

MAYNILA—Arestado ang isang lalaking nagpanggap na dentista sa entrapment operation sa Las Piñas City Martes ng hapon. Sinalakay ng mga pulis ang inirereklamong klinika sa Real St., Barangay Talon Uno matapos makatanggap ng sumbong mula sa Philippine Dental Association (PDA). Inabutan ang nagpanggap na pasyente na sinusukatan ng pustiso ng suspek. Ayon sa suspek, 1 taon pa lang siyang namamasukan sa klinika sa piling schedule. "Dentista po ako. Underboard lang... Linis ginagawa ko po. Minsan bunot," aniya. Ayon kay Police Col. Simnar Gran, hepe ng Las Piñas City police, ilang pasyente na ang lumapit sa PDA na inirereklamo ang kanilang sinapit sa kamay ng hindi lisensiyadong dentista. "Meron siyang mga pasyente na naiiwan 'yung mga ngipin pagbunot... Merong nagpalinis, dugo-dugo 'yung mga gums," aniya. Dahil sa paglabag sa Republic Act 9484 o Philippine Dental Act of 2007, maaaring magmulta ang suspek ng P200,000 hanggang P500,000 at makulong ng 2 hanggang 5 … [Read more...] about Pekeng dentista timbog sa Las Piñas

Nahuli sa entrapment operation ng Philippine National Police Criminal Investigation and Detection Group (CIDG) sa Davao City ang isang lalaking nagbebenta umano ng pekeng liniment, Huwebes ng hapon. Nasa kustodiya na ng pulisya si Edwin Zanoria Coronel, 48, matapos mabilhan ng Gabon Power Liniment sa National Highway, Ulas, Davao City. Nakuha kay Coronel ang P500 na marked money at 200 pirasong Gabon Power Liniment. Una nang dumulog sa tanggapan ng CIDG Davao ang may-ari ng Gabon Liniment na si Jesus Malaran matapos malaman na may gumagaya at nagbebenta ng produkto nito gamit ang kaniyang brand. Ayon kay Police Maj. Milgrace Driz, inaalam pa nila kung sino ang nasa likod ng panggagaya at pagbebenta ng pekeng produkto. “We received a complaint from the owner na may namemeke nga ng kanilang produkto na liniment oil kaya nag-conduct kami ng operasyon,” sabi ni Driz. Sasampahan ng paglabag sa Republic Act No. 8293 o Intellectual Property Code of the Philippines, partikular na … [Read more...] about Tindero ng umano’y pekeng liniment timbog sa buy-bust

MAYNILA - Timbog ang isang pekeng travel agent sa entrapment operation sa Las Piñas City Miyerkoles ng gabi. Hinuli ang babaeng suspek nang magkaabutan ng P5,000 na dagdag bayad para sa ire-rebook na biyahe sa Hong Kong ng biktimang si alyas "Honey" at kaniyang 2 anak. Kuwento ni Honey, regalo sana para sa bunso niyang grumadweyt ng grade 6 ang 4 na araw na biyahe sa Hong Kong na nakaplano sana noong Marso.  Oktobre 2018 pa niya ito ipina-book sa suspek. Ni-refer siya ng katrabaho ni Honey at nag-book na rin ng biyahe ni Honey sa Japan. Nasa P46,500 ang halaga ng travel package, kasama na ang pamasahe, hotel, at bisita sa theme parks. Pero kahit naibayad na ito ni Honey, naudlot ang biyahe noong Marso nang hindi niya nakuha ang tiket ng eroplano.  Nagpadeposito pa ang suspek ng dagdag na P10,000 para mai-rebook sa Agosto ang biyahe dahil nagmahal na raw ang presyo ng tiket.  Doon na inilapit ni Honey ang kaso sa mga pulis at giniit na makipagkita sa suspek para sa … [Read more...] about News Pekeng travel agent timbog sa Las Piñas