Prevod sa holandskog na srpski

Pinarangalan ng Institute of Corporate Directors (ICD) para sa mahusay na pamamalakad sa kompanya ang ABS-CBN, ang natatanging media network na tumanggap ng nasabing parangal. Tinanggap ni ABS-CBN Chief Financial Officer Aldrin Cerrado ang tropeo sa ASEAN Corporate Governance Scorecard (ACGS) Recognition Ceremony, na kumilala sa mga kompanyang maayos ang pagpapatakbo at sumusunod sa mga regulasyon ng gobyerno. Mahalaga ang corporate governance para manatiling matibay at nangunguna sa industriya ang 65 taon gulang na kompanya, ayon kay Cerrado. Iginiit din ni Cerrado na sinusunod ng ABS-CBN ang pamantayan ng ICD, na may layuning itaas ang kalidad ng polisiya sa corporate governance sa bansa, at gawin itong kapantay ng kalidad sa buong mundo.  Bukod sa ABS-CBN, ginawaran din ng ICD ng parangal ang iba pang kompanya ng Lopez Group tulad ng Lopez Holdings Corporation at First Gen Corporation.  Bisitahin ang Patrol.PH para sa iba pang mga balita. … [Read more...] about ABS-CBN kinilala dahil sa maayos na pamamalakad ng kompanya

DAVAO CITY - Apat na hinihinalang drug pusher ang nahuli sa magkakahiwalay na drug bust operation ng mga pulis, Huwebes ng gabi hanggang Biyernes ng madaling araw. Unang naaresto ang isang PUV driver na nakuhanan ng hinihinalang shabu na nagkakahalaga ng P1.5-M sa buy-bust operation ng Santa Ana Police sa Purok 10, San Rafael, sa Barangay 9-A sa lungsod na ito. Ayon sa suspek, bago lang umano siya sa pagbebenta ng iligal na droga dahil kulang umano ang kaniyang kinikita bilang drayber. Ayon naman kay Barangay 9-A Kapitan Tata Llubit, matagal na rin nilang napansin ang kakaibang kilos nito dahil halos madaling araw ito umaalis at matagal makabalik sa lugar. Base sa inisyal na report ng Santa Ana Police, mismong ang suspek ang pumupunta sa Marawi City para kumuha ng droga. Naaresto naman sa hiwalay na drug operation Huwebes ng gabi ang isang tricycle driver kung saan isang sachet ng hinihinalang shabu ang nakuha sa kaniya. Biyernes ng madaling araw naman nahuli ang dalawang lalaki sa … [Read more...] about 4 tiklo sa hiwalay na drug operation sa Davao City

MAYNILA — Pagkatapos ng 3 linggong magkakasunod na rollback, tataas na naman ang presyo ng mga produktong petrolyo sa susunod na linggo. Tinatayang dagdag-presyo sa petrolyo sa Martes: Gasolina → P0.30-P0.40/litro Diesel → P0.10-P0.20/litro Kerosene → P0.20-P0.30/litro Nasa P0.10 hanggang P0.20 naman ang imamahal ng diesel at P0.20 hanggang P0.30 sa kerosene. Sabi ng traders, tumaas kasi ang presyo ng imported na petrolyo sa world market. —Ulat ni Alvin Elchico, ABS-CBN News Bisitahin ang Patrol.PH para sa iba pang mga balita. … [Read more...] about Petrolyo may taas-presyo sa susunod na linggo

DAVAO CITY – Dalawang lalaki ang pinagbabaril sa magkahiwalay na insidente sa lungsod nitong Biyernes. Patay ang magsasakang si Reynante Baon Ansano, 39-anyos, matapos pagbabarilin sa loob ng kaniyang bahay sa Barangay Angalan, Tugbok District, Biyernes ng umaga. Hindi pa matukoy ng Tugbok Police kung sino ang mga salarin dahil wala pang lumilitaw na witness sa pagpatay kay Ansano. Tatlong bala ng kalibre .45 na baril ang narekober ng awtoridad sa crime scene. Hustiya rin ang sigaw ng pamilya ni Elezarte Oberez matapos pagbabarilin ng dalawang salarin sa labas ng kaniyang bahay sa Barangay Daliao, hapon naman ng Byernes. Dead on arrival na ito sa ospital. Tumangi munang magbigay ng pahayag ang kaniyang pamilya kaugnay ng insidente pero mayroon na silang itinuturong responsable sa pagpatay. Base sa record ng Toril Police, dating drug surrenderer si Oberez. Patuloy na iniimbestigahan ang dalawang insidente ng pamamaril. Bisitahin ang Patrol.PH para sa iba pang mga balita. … [Read more...] about News 2 patay sa hiwalay na pamamaril sa Davao City

ILOILO CITY – Dalawang lalaki na taga-suporta umano ng mga pulitiko sa Antique ang pinagbabaril sa magkahiwalay na insidente sa probinsiya. Biyernes ng madaling araw nang barilin si Angelito Roquero Jr., 26, sa Sitio Huna, Barangay Buluangan 1 sa Antique. Dead on the spot ang biktima na kilalang taga suporta ni Vice Mayor Josefino Castillon ng bayan ng Valderrama. Narekober naman ng awtoridad ang baril na ginamit ng suspek sa pagpatay na nakilalang si Mark Francisco, 25. Nahuli umano si Francisco sa crime scene pero hindi pa mabatid ng pulisya kung ano ang motibo sa pagpatay. Nasampahan na ng kasong pagpatay at paglabag sa election gun ban ang suspek. Samantala, Martes ng gabi naman ng tambangan ng hindi pa kilalang mga salarin si Crispolo Jereza sa Barangay Bagongbayan sa bayan naman ng Laua-an. Sakay umano ng kaniyang motorsiklo ang 48 anyos na biktima nang pagbabarilin. Idineklara siyang dead on arrival sa Bugason Medicare Community. Apat na basyo ng bala ang narekober ng … [Read more...] about News 2 patay sa hiwalay na pamamaril sa Antique